| |
მარნის ტერიტორიაზე განთავსებულია
დახურული ტიპის ძველი მარანი,
ღვინის დასაძველებელი სარდაფი,
ღვინის ჩამოსასხმელი საამქრო, ღია
ტიპის მარანი, არყის სახდელი ე.წ.
"ზავოდი" და სასტუმრო. მარნის
ტერიტორიაზე საფერავის,
რქაწითელის და კახური მწვანეს
ჯიშის ვაზია გაშენებული. მარანი
აღჭურვილია 1.5-4 ტონიანი 90 ცალი
ქვევრით ოჯახურ ტრადიციებზე
დაყრდნობით მარანში ღვინის
დაყენება კახური წესით ქვევრებში
ხდება, რაც ღვინოს აძლევს
განსაკუთრებულ გემოს და ნაზად
გამოკვეთილ ტანინის გემოს. ღვინო
განიცდის ბუნებრივ ფილტრაციას და
ქიმიურად არ მუშავდება.
მარანი აღჭურვილია ქართული,
კახური ოჯახური სამზარეულოს
ელემენტებით, აქვე განთავსებულია
თონე (კახური პურის საცხობი).
სასტუმრო
განთავსებულია უშუალოდ მარნის
შენობაში, რამოდენიმე ათეული
მოქმედი ქვევრის ზევით. სასტუმროს
ინტერიერი აღჭურვილია ძველი
საოჯახო ნივთებით და ჰარმონიულად
ერწყმის თანამედროვე სტანდარტებს,
რათა შეუქმნას დამსვენებელს
ქართული ყოფის, წარსულისა და
აწმყოს შერწყმის წარუშლელი
შთაბეჭდილება.
მამაპაპისეულ ფუძეზე დაბრუნებულმა
კახელი კაცის შთამომავლებმა
ტყუპებმა კახეთში, სოფელ
ნაფარეულში იქ, სადაც მდინარე
ალაზანი ერთვის მდინარე ლოპოტას
აღადგინეს საგვარეულო მარანი,
გააშენეს ქართული ჯიშის ვაზი და
გააღვიძეს ქვევრში დაყენებული
"ცოცხალი
ღვინის"
შექმნის მივიწყებული ტრადიცია.
სწორედ აქ, ძველი მარნის
ტერიტორიაზე მდებარეობს სასტუმრო
"ძველი მარანი" საკონფერენციო
დარბაზით. |
|